Qoʻshimcha funksionallar
-
Tungi ko‘rinish
IIV Qo‘riqlash departamenti rahbari tayinlandi
O‘zbekiston prezidentining tegishli farmoyishiga binoan, Ichki ishlar vazirligi huzuridagi Qo‘riqlash departamenti boshlig‘i vazifasini bajaruvchi etib polkovnik Shodibekov Qobil Odilovich tayinlandi.
IIV matbuot xizmati xabar berishicha, tayinlovga qadar Qobil Shodibekov Toshkent shahar Qo‘riqlash boshqarmasi boshlig‘i lavozimida faoliyat yuritgan.
Qo‘riqlash departamenti ichki ishlar organlari tizimida odamlar va mol-mulk xavfsizligini ta’minlash, turli shakldagi mulkka egalik qiluvchi tashkilot va obektlarni qo‘riqlash, shuningdek, profilaktik tadbirlar orqali jinoyatchilikka qarshi kurashishda ishtirok etuvchi maxsus tuzilma hisoblanadi.
Yangi rahbar oldiga qo‘riqlash xizmatlari samaradorligini oshirish, zamonaviy axborot-texnik vositalarni keng joriy etish, xodimlar kasbiy tayyorgarligini kuchaytirish kabi ustuvor vazifalar qo‘yilgani ta’kidlanmoqda.
Rasmiy manbalarga ko‘ra, polkovnik Qobil Odilovich Shodibekov ichki ishlar organlarining qo‘riqlash yo‘nalishida ko‘p yillik rahbarlik tajribasiga ega. U tayinlovga qadar Toshkent shahar Qo‘riqlash boshqarmasi boshlig‘i sifatida faoliyat yuritib kelgan.
Shuningdek, u poytaxtdagi qo‘riqlash tizimi faoliyatini tashkil etish, xizmat ko‘rsatish hududlarida xavfsizlikni ta’minlash hamda jamoat tartibini saqlashga qaratilgan chora-tadbirlarni muvofiqlashtirish bilan shug‘ullangani qayd etiladi.
