FIFA™ Jahon chempionati kubogining asl nusxasi yaqinda Toshkentga keladi

Toshkent global marshrutning asosiy to‘xtash joylaridan biriga aylanadi. Bu voqea milliy terma jamoaning tarixiy yutug‘i fonida alohida ahamiyat kasb etadi — O‘zbekiston birinchi marta FIFA 2026™ Jahon chempionatiga chiqqanligi o‘zbek futboli va butun mamlakat bo‘ylab millionlab muxlislar uchun muhim voqeaga aylandi. Toshkentda FIFA Jahon chempionati kubogining tashrifi O‘zbekiston futbol assotsiatsiyasi ko‘magida Coca-Cola tomonidan tashkil etildi.

“FIFA Jahon kubogi butun dunyoda sportning eng ulug‘ ramzi sifatida e’tirof etilgan, Coca-Cola esa dunyodagi eng taniqli brendlardan biridir, — dedi FIFA tijorat direktori Romi Gay. — Yigirma yil davomida Coca-Cola bilan hamkorligimiz Coca-Cola ko‘magidagi FIFA Jahon kubogi turnesi orqali muxlislarni birlashtirdi va ularga FIFA Jahon chempionati sehrini taqdim etdi. Besh tur davomida ushbu mashhur kubok 211 ta milliy futbol assotsiatsiyamizdan 182 tasida bo‘ldi va bu galgi turne alohida ahamiyatga ega: biz nafaqat Coca-Cola ko‘magidagi FIFA Jahon kubogi turnesining 20 yilligini nishonlayapmiz, balki FIFA tarixidagi eng yirik jahon chempionatiga ham tayyorgarlik ko‘ryapmiz — bir vaqtning o‘zida uchta mezbon mamlakatda: Kanada, Meksika va Amerika Qo‘shma Shtatlarida”.

Kubok turnesiga rasmiy start 2026 yil 3 yanvarda Saudiya Arabistoni poytaxti Ar-Riyodda berildi. Ochilish marosimidan so‘ng kubok FIFA’ga a’zo 30 mamlakat bo‘ylab sayohatga yo‘l oldi. 2026 yilda turne alohida ahamiyat kasb etadi: birinchi turne aynan 20 yil oldin o‘tkazilgan edi. Shu vaqt ichida 182 dan ortiq mamlakatdan 4 milliondan ziyod muxlis turli madaniyat va avlod vakillarini futbolga bo‘lgan muhabbat atrofida birlashtirgan noyob futbol tadbirining bir qismiga aylandi.

“Biz Coca-Cola homiyligida tashkil etilgan FIFA Jahon kubogi turnesi orqali muxlislarga voqealar markaziga yanada yaqinroq bo‘lish imkonini berishdan mamnunmiz. Bu yilgi turne muxlislarga bevosita yaqinlikda futbolning barcha hissiyotlari va muhitini his qilish uchun ajoyib imkoniyat yaratadi,” — dedi The Coca-Cola Company kompaniyasining global aktivlar, ta’sir o‘tkazuvchilar va hamkorliklar bo‘yicha vitse-prezidenti Mikayel Vine. — “Biz muxlislarni futbol o‘yinini kuzatishda his qiladigan tuyg‘ularning barcha qirralarini nishonlashga taklif etamiz, bu biz O‘zbekistonga FIFA Jahon chempionatining asl kubogini olib kelganimizda ortib borayotgan hayajon va intizorlikdan boshlanadi.”

Toshkentda Jahon chempionati kubogini ko‘rish uchun chipta yutib olish imkoniyatingiz bor. Buning uchun quyidagilarni bajarish kerak:

1 litr yoki 1,5 litrlik Coca-Cola, Fanta yoki Sprite xarid qiling.

Qopqoq ostidagi kodni topib, @uzcocacolabot Telegram-botiga kiriting.

U yerda sizni yanada ko‘proq sovg‘alar kutmoqda, ulardan biri — FIFA™ 2026 Jahon chempionatiga yo‘llanmani qo‘lga kiritish imkoniyati.

• FIFA Jahon chempionatining asl kubogi g‘oliblarga topshirilsa-da, FIFA’ning mulki bo‘lib qolaveradi. U sof oltindan yasalgan, og‘irligi 6,175 kg bo‘lib, 1974 yilda yaratilgan. Kubokda yer sharini ko‘tarib turgan ikki inson qiyofasi tasvirlangan.

• FIFA Jahon chempionatining asl kubogiga faqat cheklangan doiradagi shaxslar — sobiq jahon chempionlari, davlat rahbarlari va FIFA prezidenti qo‘l tekkizishi mumkin.

• G‘olib jamoaga avval FIFA Jahon chempionatining asl kubogi topshiriladi, so‘ngra ularga oltin qoplamali metalldan yasalgan FIFA Jahon chempionati g‘olibi kubogi abadiy mulk sifatida beriladi.

• Coca-Cola tomonidan o‘tkaziladigan FIFA Jahon chempionati kubogi safari muxlislarga futbol tarixi bilan bog‘liq bo‘lish va ushbu sport turiga bo‘lgan ishtiyoqni baham ko‘rish uchun noyob imkoniyat yaratadi.

• FIFA’ning ko‘p yillik hamkori sifatida Coca-Cola kompaniyasi FIFA Jahon chempionati kubogi safari o‘tkazish bo‘yicha maxsus huquqlarga ega. Bu orqali kompaniya butun dunyo bo‘ylab minglab muxlislarga 2026 yilgi FIFA Jahon chempionati oldidan dunyodagi eng orzu qilingan kubokni ko‘rish imkonini beradi. The Coca-Cola Company 1976 yildan beri FIFA bilan hamkorlik qiladi va 1978 yildan buyon FIFA Jahon chempionatining rasmiy homiysi hisoblanadi.