Komplayens yo‘nalishi bo‘yicha bosh prokuror o‘rinbosari tayinlandi

O‘zbekiston prezidentining farmoni bilan Bahodir Zokir o‘g‘li Normurodov O‘zbekiston Bosh prokuraturasi tizimida komplayens va korrupsiyaga qarshi ichki nazorat bo‘yicha bosh prokuror o‘rinbosari lavozimiga tayinlandi.

Ma’lum qilinishicha, mazkur lavozim doirasida ichki nazorat mexanizmlarini yanada kuchaytirish, komplayens talablariga rioya etilishini ta’minlash, korrupsiya xavf-xatarlarini barvaqt aniqlash va oldini olishga qaratilgan ishlar samaradorligini oshirish kabi vazifalarga alohida e’tibor qaratilishi ko‘zda tutiladi. 

Shuningdek, manfaatlar to‘qnashuvining oldini olish, xizmat intizomi va shaffoflikni ta’minlashga qaratilgan profilaktik chora-tadbirlarni muvofiqlashtirish ham ushbu yo‘nalishning muhim qismi hisoblanadi.

Tayinlov munosabati bilan Bahodir Zokir o‘g‘li Normurodov O‘zbekiston prezidenti administratsiyasidagi komplayens xizmati shu’ba mudiri lavozimidan ozod etildi.