Наманган вилоятининг Уйчи туманида ўтказилган тезкор тадбир жараёнида шу туманда яшовчи, М.Н. ва А.А.лар 4 кг. 150 гр. марихуана гиёҳвандлик воситасини 700.000 сўмга сотаётганларида ушландилар. Бу ҳақда Ўзбекистон Республикаси ИИВ матбуот хизмати хабар берди.
Мазкур ҳолат юзасидан Ўзбекистон Республикаси Жиноят кодексининг 273-моддаси 5-қисми билан жиноят иши қўзғатилди.
Ҳозирги кунда ушбу гиёҳванд модданинг манбасини аниқлашга қаратилган тезкор суриштирув ишлари олиб борилмоқда.
