Хитой АҚШга «ўзига чоҳ қазимасликни» маслаҳат берди

Фото: Reuters

ХХР Тижорат вазирлиги расмий вакили Гао Фэннинг маълум қилишича, АҚШ бошқалар учун қазиган чоҳга ўзига қулаши мумкин. Бу ҳақда РИА «Новости» хабар бермоқда.

«Биз АҚШга икки давлат ўртасидаги савдо-иқтисодий муносабатларга зарар етказиши мумкин бўлган қандайдир ҳаракатлардан тийилишни тавсия этамиз, акс ҳолда Қўшма Штатлар бошқалар учун қазиган чоҳга ўзи қулайди», - дея айтиб ўтган Гао Фэн.

Шунингдек унинг таъкидлашича, Пекин савдо урушини хоҳламайди.

«Хитой айни дамда бутун дунё бўйлаб ҳамкорлик муносабатларини ривожлантирмоқда, халқаро муносабатларнинг янги моделини яратишга ҳаракат қилмоқда, бунда ҳамкорлик барча мамлакатлар манфаатини ҳисобга олади ва ўзаро манфаатли бўлади», - дея қўшимча қилиб ўтди Гао Фэн.