Samsung’нинг бўлинмаси ходимларига янглиш тарзда 105 млрд долларлик акция берилди

Фото: Reuters

Samsung’нинг бўлинмаси Samsung Securities ходими компания ходимларига дивиденд сифатида бир акцияга 1000 вон (1 доллар) бериш ўрнига янглиш тарзда 1000 тадан акция бериб юборган. Унинг хатоси туфайли 111,8 трлн вонлик (105 млрд доллар) қўшимча 3 млрд акция чиқарилган.

Компаниянинг бу акцияларни олган 16 ходими бир неча дақиқанинг ўзида акцияларнинг бир қисмини сотиб, 187 млн доллар олишга муваффақ бўлган. Ярим соат ўтгач Samsung вакиллари акцияларни сотиш имконини блоклаб қўйишган.

Воқеанинг барча иштирокчилари ишларидан бўшатилганлар. Уларнинг ҳаракатлари нафақат компания акцияларининг 12 фоизга тушиб кетишига, балки Жанубий Кореянинг йирик пенсия жамғармаларидан бирининг Samsung билан ҳамкорлик қилишдан бош тортишига олиб келган.

Тайёрлаган: Шуҳрат Раҳимов

#Samsung #дивиденд