Фото: EPA-EFE/WILL OLIVER
Сербиялик Новак Жокович Профессионал теннисчилар уюшмасининг (АТР) якуний мусобақаси яримфиналида жанубий африкалик Кевин Андерсонни мағлуб этиб, мусобақа финалига йўл олди. Лондонда ўтаётган мусобақаларнинг мукофот жамғармаси 8 млн долларни ташкил қилади.
Учрашув 6:2, 6:2 ҳисобида айни вақтда АТР рейтингида 1-ўринни эгаллаётган серб фойдасига якунланган.
Жокович финалда немис Александр Зверев билан учрашади. Зверев аввалроқ жаҳоннинг 3-рақамли теннисчиси Рожер Федерерни мағлуб этганди.
Фото: Getty Images
Финал баҳси бугун, 18 ноябрда бўлиб ўтади.
