Деярли барча ирсий касалликларни даволаш усули топилди

Гарварднинг бир гуруҳ олимлари ДНКни янги усул билан қандай тузатиш кераклигини билиб олдилар.

Биологлар «дастлабки таҳрирлаш» деб номланган усулни кашф қилишди — унинг ёрдамида ирсий йўл билан юққан зарарли мутацияларнинг 89 фоиз қисмидан халос бўлиш мумкин.

Бу усулнинг моҳияти шундаки, унинг ёрдамида генетик мутацияли «катакчалар» ўрнини соғлом қисмлар билан алмаштириш мумкин. Бунда алмаштириш нуқтадек ҳам, узунроқ ҳам бўлиши мумкин.
Тадқиқотчилар янги усулни инсоннинг турли ҳужайраларида синовдан ўтказишди ва 175га яқин тўғрилаш операциялари ташкил қилинди. Улар натижасида хато қилиш эҳтимоли 1-10 фоиз, муваффақият эҳтимоли 20-50 фоиз экани маълум бўлди. Бу шуни англатадики, ибтидоий таҳрирлаш усули ҳозирда амалда бўлган CRISPR/Cas9'дан анча аниқ ва ишончли чиқди.

Эндиликда ота-оналардан фарзандларига мерос бўлиши мумкин бўлган хавфли касалликлар эҳтимолини йўқ қилишнинг иложи бор. Исбот тариқасида келтириш зарурки, олимлар аллақачон ўроқсимон ҳужайра анемияси, фиброз-кистоз мастопатия ва Тай-Сакс касаллигини юқтирадиган гендан халос бўлишни ўрганишди.