Чилида Осиё-Тинч океани иқтисодий ҳамкорлик ташкилоти саммити бекор қилинди 

“Бу қийин қарор, биз ОТИҲ ва СОР ўтказилиши муҳимлигини тушунамиз. Менга буни қилиш оғир, бироқ ОТИҲ саммити ва БМТнинг иқлим ўзгариши бўйича анжуманини ўтказмасликка қарор қилдим”, деб айтган Пиньера.

Чили ҳукуматининг ушбу қарори охирги ҳафталар бутун Чили бўйлаб ўтаётган ва кўп ҳолда оммавий тартибсизликлар ва полиция билан тўқнашувларга айланаётган норозилик акциялари билан боғланган. 1,2 млндан кўпроқ одам иштирок этаётган намойишларга метрода йўлкира ҳақи оширилиши сабаб бўлган. Бундан ташқари, аҳоли паст маошлар ва бепул таълим олиш имконияти йўқлигига қарши чиқишмоқда.    

Мамлакатнинг йирик шаҳарларига зирҳли техника ва ҳарбийлар тортилган, комендантлик соати ва фавқулодда вазият тартиби киритилган.

ОТИҲ саммити Сантьягода 16-17 ноябрда, иқлим бўйича анжуман эса 2-13 декабрда ўтиши режалаштирилганди.

ОТИҲ давлатлари етакчиларининг илк учрашуви 1993 йилда Сиэтлда бўлиб ўтган ва ўшандан бери ҳар йил ўтказиб келинади. 2004 йилда Сантьяго саммитни қабул қилган ва у аксилглобалчиларнинг норозилик намойишлари билан кечган.