Адлия вазирига янги ўринбосар тайинланди

Адлия вазирлигида Баҳром Қўчқоров ўрнига вазирнинг янги ўринбосари иш бошлади.

Алишер Нишанович Каримов адлия вазирининг ўринбосари этиб тайинланди. Бу ҳақда вазирлик матбуот хизмати хабар бермоқда.

А.Каримов 1978 йилда Андижон вилояти, Хўжаобод туманида туғилган, маълумоти олий, 1999 йилда Тошкент давлат юридик институти, 2011 йилда Ўзбекистон Республикаси Президенти ҳузуридаги Давлат ва жамият қурилиши академиясини тамомлаган, мутахассислиги ҳуқуқшунос.

У ўз меҳнат фаолиятини 1999 йилда Ташқи иқтисодий алоқалар вазирлиги (ҳозирги Инвестициялар ва ташқи савдо вазирлиги) Юридик бошқармаси етакчи мутахассиси лавозимида бошлаган.

А.Каримов турли йилларда Ташқи иқтисодий алоқалар агентлиги, Ташқи иқтисодий алоқалар, инвестициялар ва савдо вазирлиги тизимида бош мутахассис, бўлим бошлиғи, бошқарма бошлиғи ўринбосари ва бошқарма бошлиғи, шунингдек Ўзбекистон Республикасининг Украинадаги элчихонаси маслаҳатчиси лавозимларида фаолият олиб борган.

Адлия вазирлигидаги фаолиятини 2017 йилда Жиноий, маъмурий ва ижтимоий қонунчилик бошқармаси бошлиғи ўринбосари лавозимида ишлашдан бошлаган. 2019 йилдан ҳозирги вақтга қадар Адлия вазирлиги Қонунчилик бош бошқармаси бошлиғи лавозимида ишлаб келаётган эди.

Бундан олдинроқ, 2020 йил майидан буён адлия вазири ўринбосари бўлган Баҳром Қўчқоров Марказий сайлов комиссияси раиси ўринбосари лавозимига ўтгани хабар қилинганди.

#Адлия вазирлиги #Баҳром Қўчқоров #Алишер Каримов

Тавсия этамиз

Сўнгги янгиликлар

Барча янгиликлар

Мавзуга оид

11:28 / 08.04.2025

Коррупциявий жиноятлар Адлия вазирлиги тизимида 22 фоизга, ҳокимликларда 43 фоизга камайди – Антикоррупция агентлиги

10:10 / 04.04.2025

Тасвирга олиш учун розилик олиш талаби ОАВ фаолиятига қандай таъсир қилади? Адлия вазирлиги изоҳи

16:09 / 18.03.2025