Биржада бензин нархи кўтарилди

Ўтган ҳафта давомида, яъни 12 – 18 апрел кунлари "Ўзбекистон республика товар-хомашё биржаси"нинг барча савдо платформаларида 1,7 трлн сўмлик товарлар сотилган бўлиб, бу аввалги ҳафтага нисбатан 2,3 фоизга камдир.

Ўтган ҳафтада биржа савдоларига 40 426,0 тонна АИ-80 маркали автомобил бензини қўйилди ва улардан 15 749,1 тоннаси, яъни 38,9 фоизи сотилди. Ўтказилган савдоларда ҳар куни ўртача 27 харидор иштирок этди. Ҳафта давомида автомобил бензини деярли ўзининг бошланғич қийматида сотилди.

Кўриб чиқилаётган даврда сотувчи корхоналар АИ-80 маркали автомобил бензинининг ўртача бошланғич нархларини маҳсулот бир тоннаси учун 6,32 млн сўмдан 6,40 млн сўмгача ёки 1,3 фоизга кўтарди. Шу муносабат билан, АИ-80 маркали автомобил бензини ўртача кунлик нархи ҳам 6,32 млн сўмдан 6,40 млн сўмгача - 1,3 фоизга, яъни сотувчиларнинг бошланғич нархлари ҳисобига ўсди.

Кўриб чиқилаётган даврда АИ-80 русумли автомобиль бензинининг ўртача ҳафталик котировкаси 6,17 млн сўмни, АИ-91 – 7,44 млн сўмни ташкил этди.