16:00 / 26.08.2021
12768

Парвоз қил! Биз ёрдам берамиз

ААТ Group компанияси Олим Хасанов хотирасига бағишлаб хайрия акцияси ўтказяпти ва унинг доирасида Ўзбекистоннинг исталган олийгоҳида таҳсил олиш учун грант олишга аризалар қабул қилишда давом этади.

Ушбу хайрия акцияси 2021 йилда ўз даврининг етакчиларидан бири бўлган истеъдодли инсон, ААТ Group компанияси ҳамтаъсисчиларидан  бири – Олим Хасанов хотирасига бағишлаб, Ўзбекистоннинг истеъдодли ёшларининг муносиб олий таълимни қўлга киритишларида ёрдам бериш мақсадида ўтказиляпти.

Ишончимиз комилки, ҳар бир истеъдодли инсон оиласининг моддий жиҳатдан фаровонлиги ёки ижтимоий мавқейидан қатъи назар, муносиб таълим олиш ва ривожланиш ҳуқуқига эга – ва бу ўз навбатида, жамиятимизни яхши томонга ўзгартириш гаровидир.

Айнан шу сабабли, биз танлов шартларидан муваффақиятли ўтган талабаларга Ўзбекистондаги исталган ОТМда таҳсил олишлари учун шартнома тўловини тўлаган ҳолда индивидуал молиявий кўмак кўрсатамиз.

Агар сен ўқишни орзу қилсанг, бироқ молиявий томондан имкониятинг етмаса – AAT Group компанияси Олим Хасанов хотирасига бағишлаб ўтказилаётган хайрия акцияси орқали сенинг орзуларингни рўёбга чиқаришга тайёр!

Жорий йилда биз мамлакатимизнинг 5 нафар энг истеъдодли талабаларини танлаб оламиз. Дастурда иштирок этиш учун аризаларни 2021 йилнинг 31 августига қадар топшириш мумкин.

Дастурнинг асосий шартлари:

1.  Танловда Ўзбекистондаги исталган олий ўқув юртида, исталган тилда пуллик тўлов шартномаси асосида ўқиётган 1-4 курс талабалари иштирок этиши мумкин.  

2. Акция доирасида аввалги ҳар бир семестрда академик фанлар бўйича талабанинг ўртача ўзлаштириш кўрсаткичи 85 фоиздан ортиқни ташкил этиши шарти билан олийгоҳдаги таълимга қолган барча муддат учун тўловни тўлаб берилади.

3. Таълимни муваффақиятли тамомлагандан сўнг, мазкур дастур иштирокчиларининг «AAT Group» компанияси жамоасига ишга қабул қилиниши кафолатланади.

Танлов бир неча босқичларда ўтказилади:

I босқич – аризаларни foundation@aatgroup.uz электрон манзили орқали қабул қилиш.

Ариза қуйидагилардан иборат бўлиши керак:

  • номзод сўровномаси (CV);
  • аввалги ўқиш маълумотини тасдиқловчи ҳужжат нусхаси (ўртача балл 4,5 ёки 85 фоиздан юқори);
  • мотивация хати.

II босқич – Тест синови (15 финалистни танлаб олиш)

III босқич – Танлов комиссияси аъзолари билан оғзаки интервью (танловнинг 5 ғолибини аниқлаш). 

Танловнинг якуний натижалари 2021 йилнинг 1 октябрь санасида эълон қилинади.

Реклама ҳуқуқи асосида

Мавзуга оид
Top