2022 йил 8 декабр ҳолатига доимий аҳоли сони 36 миллиондан ошди.
Давлат статистика қўмитасининг дастлабки маълумотларига кўра, Ўзбекистон Республикасида 2022 йил 8 декабр ҳолатига доимий аҳоли сони 36 миллионга етган.
9 декабр ҳолатига, аҳоли сони 36 млн 1 минг 831 нафарни ташкил этмоқда. Шундан эркаклар 18,1 млн киши, аёллар 17,9 млн кишига етган.
Қайд қилиш жоизки, Ўзбекистон аҳолисининг 35 миллиондан 36 миллионга етиши учун 1 йилдан сал кўпроқ вақт кетди. 2021 йил сентябр ойида Ўзбекистон аҳолиси 35 миллионга етган эди.
Ўзбекистон аҳоли сони бўйича дунё мамлакатлари орасида 41-ўринда қайд этилган.
