Қўшимча функционаллар
-
Тунги кўриниш
Тошкент шаҳрига янги прокурор тайинланди
Шаҳарнинг аввалги прокурори Сурхондарё вилояти ҳокими лавозимига ўтказилганди.
Фото: Президент матбуот хизмати
Ўзбекистон бош прокурори ўринбосари Эркин Йўлдошев Тошкент шаҳри прокурори этиб тайинланди.
Бу ҳақда бугун, 16 январ куни Тошкент шаҳридаги жиддий энергетика муаммолари ортидан ўтказилган йиғилишда президент Шавкат Мирзиёев маълум қилди.
“Бугундан бошлаб бош прокурор ўринбосари Эркин Йўлдошев шаҳар прокурори сифатида ишни бошлайди. Бугундан бошлаб қонун устувор, жазо муқаррарлигини бажаради Йўлдошев”, деди давлат раҳбари. Бу йиғилишда пойтахт ҳокими Жаҳонгир Ортиқхўжаев ишдан олиниб, ўрнига унинг биринчи ўринбосари Бахтиёр Раҳмонов в.б. этиб тайинланди.
Эркин Йўлдошев муқаддам Тошкент прокуратурасида ишлаган, 2017 йил апрелида бош прокурор ўринбосари лавозимига тайинланганди.
У 2023 йил 14 январ куни президент фармони билан «III даражали давлат адлия маслаҳатчиси» махсус унвони (генерал-майор унвонига тенг) олган эди.
2021 йил феврал ойидан буён Тошкент шаҳри прокурори бўлган Улуғбек Қосимов 2022 йил декабрида Тўра Боболов ўрнига Сурхондарё вилояти ҳокими лавозимига ўтказилганди.
Мавзуга оид
23:15 / 14.03.2026
Автобус учун ажратилган бўлакларда бошқа машиналар юрмаслиги учун камералар ўрнатяпмиз — ҳоким ўринбосари
23:05 / 14.03.2026
Тошкентда 460 та бекат тадбиркорларга ижарага берилди – ҳокимият
09:08 / 14.03.2026
Лаҳор–Тошкент йўналишидаги илк юк рейси 17 тонна гўшт олиб келди
22:31 / 13.03.2026