Ўзбекистон президенти Шавкат Мирзиёев 12 июль куни Арманистон бош вазири Никол Пашинян билан телефон орқали мулоқот қилди.
Фото: Президент матбуот хизмати
Президент матбуот хизмати хабарига кўра, унда икки томонлама муносабатларни, энг аввало, савдо-иқтисодий ва маданий-гуманитар соҳаларда ривожлантириш масалалари кўриб чиқилди.
Арманистон ҳукумати раҳбари мамлакат етакчисини президент сайловидаги ишончли ғалабаси билан табриклаб, катта муваффақиятлар ва бахт-саодат тилади.
Суҳбатда амалий ҳамкорлик лойиҳаларини илгари суриш мақсадида ҳукуматлараро комиссиянинг биринчи йиғилиши ҳамда қўшма ишбилармонлик тадбирларини ўтказиш муҳимлиги алоҳида таъкидланди.
