У 40 млн сўмлик қалбаки пулларни 18 млн сўмга сотишга уринган.
Бош прокуратура ҳузуридаги Департаментнинг Тошкент шаҳри, Яшнобод тумани бўлими, ДХХ ва ИИБ ходимлари ҳамкорлигида ўтказилган тезкор тадбирда қалбаки пул бирликларини сотиш билан боғлиқ ҳолат фош этилди.
Қайд қилинишича, Э.Ҳ. 200 дона 200 минг сўмлик қалбаки купюраларни 18 млн сўмга сотган вақтида ашёвий далиллар билан ушланган.
Ҳолат юзасидан Жиноят кодексининг 176-моддаси (қалбаки пул, акциз маркаси ёки қимматли қоғозлар ясаш, уларни ўтказиш) билан жиноят иши қўзғатилиб, тергов ҳаракатлари ўтказилмоқда.
