Гулистон шаҳри ҳокими соғлиғи туфайли лавозимидан кетди

Унинг ўринбосари ҳоким лавозимига вақтинча тайинланди.

Фото: Сирдарё вилояти ҳокимлиги

Гулистон шаҳри ҳокими Дадабаев Тўлқинжон Тўланович соғлигидаги муаммолар сабаб ўз аризасига биноан лавозимдан озод этилди. Бу ҳақда Сирдарё вилояти ҳокимлиги хабар берди.

Гулистон шаҳри ҳокими вазифасини вақтинча бажариш ҳокимнинг молия-иқтисодиёт ва камбағалликни қисқартириш масалалари бўйича биринчи ўринбосари Ботиров Ғайрат Ахматович зиммасига юклатилган.

Тўлқинжон Дадабаев шаҳар ҳокими сифатида 2019 йил 25 февралидан буён фаолият юритиб келаётган эди.