Қўшимча функционаллар
-
Тунги кўриниш
АҚШ Навалний ўлими сабабли Россияга қарши янги санкцияларни жорий қилади
Бу ҳақда 23 феврал куни эълон қилинади.
Вашингтон мухолифатчи Алексей Навалнийнинг ўлими муносабати билан 23 феврал куни Россия Федерациясига қарши янги чора-тадбирлар пакетини эълон қилишни режалаштирмоқда. Бу ҳақда Оқ уйнинг АҚШ миллий хавфсизлиги бўйича маслаҳатчиси Жон Кирби маълум қилди.
Кирбининг сўзларига кўра, санкциялар Путинни Украинадаги уруш учун жавобгарликка тортиш мақсадида ишлаб чиқилган ва Алексей Навалнийнинг ўлими муносабати билан қўшимча санкциялар билан тўлдирилмоқда.
«Президент Байденнинг кўрсатмаси билан биз шу ҳафта жума куни Россияни жаноб Навалний билан содир бўлган воқеа учун жавобгарликка тортиш мақсадида йирик санкциялар пакетини эълон қиламиз», деди Жон Кирби.
У журналистларга янги пакет Навалний билан содир бўлган воқеаларга муносабат эканини айтди, аммо санкциялар доирасида қандай чоралар кўрилишига аниқлик киритмади.
19 феврал куни АҚШ президенти Жо Байден Вашингтон Навалнийнинг ўлими муносабати билан Россияга қарши қўшимча санкциялар киритиш имкониятини кўриб чиқаётганини айтди.
16 феврал куни Россиянинг Ямало-Ненец автоном округи федерал жазони ижро этиш хизмати Навалнийнинг колонияда ўлганини эълон қилган эди.
Мавзуга оид
23:07 / 17.06.2026
Трамп якуний келишув учун Эронга 60 кун муҳлат берди
22:32 / 17.06.2026
Трамп Россия ва Хитойни «бутун дунёни портлатиб юбормаслик» учун ядровий келишувга чақирди
10:30 / 17.06.2026
Боливия ва АҚШ 18 йиллик танаффусдан сўнг наркотрафикка қарши ҳамкорликни тиклади
09:45 / 17.06.2026