Санъат музейининг янги биноси қурилиши шу йил бошланади

Музей япониялик меъмор Тадао Андонинг лойиҳаси асосида қурилади. Андо лойиҳа ижроси бўйича муаллифлик назоратини олиб боради.

Фото: Маданият ва санъатни ривожлантириш жамғармаси

Японияга сафар қилган Ўзбекистон Маданият ва санъатни ривожлантириш жамғармаси раиси Гаяне Умерова япониялик меъмор, Pritzker мукофоти соҳиби Тадао Андо билан учрашди.

Жамғарма матбуот хизмати хабарига кўра, Ўзбекистон давлат санъат музейи янги биносининг меъморий лойиҳаси ва дизайн ғояси устидаги ишлар тугагач, уни амалга ошириш якуний босқичга ўтади. Тадао Андога лойиҳа ижроси бўйича муаллифлик назоратини олиб бориш юкланди.

Жорий йилда япониялик меъмор лойиҳасига асосан бино қурилиши бошланади, дейилади хабарда.