Ўзбекистон | 22:33 / 06.06.2024
13694
2 дақиқада ўқилади

Ўзбекистон ва Туркия ўртасида 20 та ҳужжат имзоланди

Давлат раҳбарлари Кенг қамровли стратегик шерикликни чуқурлаштириш тўғрисида қўшма декларацияни имзолади. Икки мамлакат ўртасида илмий алмашинув, юқори, шу жумладан космик технологиялар, хотин-қизларни қўллаб-қувватлаш ва бошқа соҳаларда ҳамкорликка доир ҳужжатлар алмашилди. Туркия Ўзбекистоннинг ЖСТга аъзо бўлишида техник кўмак кўрсатади.

Стратегик ҳамкорлик кенгашининг учинчи йиғилиши якунида Ўзбекистон Республикаси президенти Шавкат Мирзиёев ва Туркия Республикаси президенти Ражаб Тоййиб Эрдўған Кенг қамровли стратегик шерикликни чуқурлаштириш тўғрисида қўшма декларацияни имзолади.

Бундан ташқари, икки мамлакат раҳбарлари ҳузурида кўп қиррали шерикликнинг кўплаб соҳаларини қамраб олган 19 та ҳужжат имзоланди. Жумладан:

  • Илмий алмашинув ва юқори технологиялар соҳасида ҳамкорлик тўғрисида битим;
  • Ҳудудий ривожланиш соҳасидаги ҳамкорликни мустаҳкамлаш тўғрисида битим;
  • Стандартлаштириш соҳасидаги ҳамкорлик тўғрисида битим;
  • Ўзбекистоннинг ЖСТга аъзо бўлишида техник кўмак кўрсатиш бўйича ҳамкорлик тўғрисида баённома;
  • Космик фанлар, технологиялар ва тадқиқотлар соҳасида ҳамкорлик тўғрисида баённома;
  • Қишлоқ хўжалиги таълими соҳасидаги ҳамкорлик тўғрисида баённома;
  • Энергетик ривожланиш соҳасидаги ҳамкорлик тўғрисида баённома;
  • Маданият соҳасидаги ҳамкорлик тўғрисида баённома;
  • Ахборот соҳасидаги ҳамкорлик тўғрисида баённома;
  • Кадастр масалалари бўйича ҳамкорлик тўғрисида баённома;
  • Туризм соҳасидаги ҳамкорлик тўғрисида баённома;
  • Оила институти ва хотин-қизларни қўллаб-қувватлаш соҳасидаги ҳамкорлик тўғрисида баённома;
  • Бошқарув кадрларини тайёрлаш соҳасидаги ҳамкорлик тўғрисида баённома;
  • Ҳуқуқий соҳада малака ошириш бўйича ҳамкорлик тўғрисида баённома.

Шунингдек, имтиёзли савдо, энергетика бозорини тартибга солишга оид икки томонлама ҳужжатлар ҳамда Қишлоқ хўжалиги соҳасидаги ҳамкорликни кенгайтириш бўйича чора-тадбирлар режаси қабул қилинди.

Мавзуга оид