Бортида Малави вице-президенти бўлган самолёт радарлардан йўқолиб қолди
Малави вице-президенти Саулос Чилима ва яна 9 кишини олиб учган самолёт йўқолиб қолган. Бу ҳақда Малави президенти офиси маълум қилди.

Фото: REUTERS / Eldson Chagara
Расмий хабарга кўра, Малави мудофаа кучларига тегишли самолёт душанба куни маҳаллий вақт билан соат 9:17 да мамлакат пойтахти Лилонгве шаҳридан ҳавога кўтарилгач, радарлардан йўқолиб қолган.
Самолёт парвоз бошланганидан 45 дақиқа ўтиб Мзузу халқаро аэропортига (мамлакатдаги учинчи энг йирик шаҳар) қўниши керак бўлган.
Тегишли хизматлар қидирув ва қутқарув ишларини бошлаб юборган. Республика президенти Лазарус Маккарти Чаквера Баҳам оролларига режалаштирилган сафарини бекор қилган.
Малави Республикаси – Африка қитъасининг жанубида жойлашган, 20 миллионга яқин аҳолига эга, дунёдаги энг қашшоқ мамлакатлардан бири.
Эслатиб ўтамиз, 19 май куни бортида Эрон президенти Иброҳим Раисий ва яна 6 киши бўлган вертолёт Озарбойжон билан чегара яқинида ҳалокат учраган, оқибатда улардан ҳеч бири тирик қолмаганди. Ҳодиса бўйича бирламчи ҳисоботга кўра, ҳалокатга учраган вертолёт бўлакларида ўқ излари ёки шунга ўхшаш талафот аниқланмаган, диспетчерлар ва экипаж ўртасидаги суҳбатларда шубҳали ҳеч нарса сезилмаган.
Тавсия этамиз
Ўзбекистонда тўй қилиш тартиби янгиланади
Ўзбекистон | 17:03 / 22.04.2025
Қулупнайчилар қишлоғи: Ўқчидан репортаж
Жамият | 15:15 / 22.04.2025
Осиё кубоги ғолиблари тантанали кутиб олинди — фото
Спорт | 23:22 / 21.04.2025
Трамп Путинга муҳлат берди, Франция Фаластинни тан олмоқчи — Геосиёсий ҳафта таҳлили
Жаҳон | 17:10 / 21.04.2025
Сўнгги янгиликлар
-
Марказий банк асосий ставкани 14 фоиз даражасида ўзгаришсиз қолдирди
Иқтисодиёт | 12:24
-
Россия Украина шаҳарлари бўйлаб ёпирилма зарбалар йўллади
Жаҳон | 11:20
-
Давлат стоматология поликлиникалари хусусийлаштирилади
Ўзбекистон | 10:56
-
Гулер «Реал»ни пойгада қолдирди, «Интер» дербида йирик ҳисобда ютқазди. Кун ўйинлари
Спорт | 10:54
Мавзуга оид

18:14 / 11.06.2024
Малави вице-президенти самолёт ҳалокатида вафот этди

09:35 / 30.01.2022
Фото: Африка шарқидаги тропик шторм оқибатлари. Ўнлаб кишилар ҳалок бўлган, юз минглаб кишилар уйсиз қолган

22:14 / 22.12.2020
«Қашшоқ, лекин қул эмас» — The Economist сайловдаги сохталикни енгган Малавини «Йил мамлакати» деб топди

22:26 / 08.03.2019