Газлашмаган ҳовлилар учун ҳам электр энергиясига 50 фоизлик чегирма берилиши мумкин
Газлашмаган ҳовлили хонадонларга ҳам электр энергиясига 50 фоиз чегирма берилиши режалаштириляпти. Энергетика вазири Жўрабек Мирзамаҳмудовнинг маълум қилишича, янги тартиб 1 январдан жорий қилиниши мумкин.

Фото: Kun.uz
Энергетика вазири Жўрабек Мирзамаҳмудовга кўра, газлаштирилмаган ҳовлилар учун ҳам электроэнергия тарифларига 50 фоизлик чегирма берилиши режалаштириляпти. У бу ҳақда «Лолазор» подкастида айтиб ўтди.
«Олдин генерация қувватларимиз етарли бўлмаган. Ҳозир етарли. Айни пайтда кўп қаватли уйлар учун [газлаштирилмаган] электр энергиясига 50 фоиз чегирма амал қилади. Биз газлашмаган ҳовлили хонадонларга нисбатан ҳам буни қўллаш бўйича топшириқ олганмиз. Чегирма уларга ҳам 50 фоиз бўлади. Бу бўйича тегишли вазирликлар билан ишлаяпмиз. Шунингдек, саноат корхоналарига ҳам юкламага қараб оширувчи ва камайтирувчи коэффициентлар қўллаш режалаштириляпти», — деди энергетика вазири.
Мирзамаҳмудовнинг қўшимча қилишича, электромобилларни куннинг маълум вақтида зарядлаш бўйича ҳам режалар ишлаб чиқиляпти. Бу ҳам энергия тизимининг баланслашида муҳим аҳамиятга эга.
«Қуёш ва шамол электростанцияларини ишга туширяпмиз. Бу йил биринчи марта батарея сақлаш тизимини ишга туширамиз. Уларнинг умумий қуввати 300 мегаватт, Андижон ва Фарғонада. Сентябрда бизда биринчи марта ишлаб чиқарилган энергияни тармоққа қабул қила олмаслик ҳолати бўлди. Бу уч кун кузатилди. Яъни истеъмол ишлаб чиқаришдан кам бўлган. Шундай ҳолатларнинг олдини олиш учун 4 гигаватли энергия сақлаш тизимлари ишга туширилгач электр энергияси батареяда йиғилади, керакли пайтда эса тармоққа узатилади», — деди вазир.
Ишлаб чиқаришнинг ошиши ва истеъмолнинг камайиши сабабли Ўзбекистон 2024 йилда 2023 йилга нисбатан 800 млн киловатт соат кам электр энергияси сотиб олган.
Энергетика вазирининг таъкидлашича, газлаштирилмаган ҳовлилар учун дифференциал тарифларни жорий қилиш бўйича Иқтисодиёт ва молия вазирлиги билан ишлар олиб бориляпти.
«Ишлаб чиқарувчиларни ҳам инобатга олган ҳолатда буни 1 январдан жорий этишга ҳаракат қиламиз», — деди у.
Тавсия этамиз
Пенсияни автоматик тайинлашга ўтилмоқда. Асосий саволларга жавоблар
Иқтисодиёт | 16:58 / 19.02.2025
Илон Маск «Ер юзидаги энг ақлли сунъий интеллект» — Grok 3ʼни тақдим этди
Фан-техника | 17:29 / 18.02.2025
Тошкент йўлларида қайрилиб олиш жойидан олдин чизилган янги йўл чизиқлари ўчириб ташланмоқда
Ўзбекистон | 17:25 / 18.02.2025
“Озодликнинг қадрини ҳеч нарса билан ўлчаб бўлмайди” — афв этилганлар ҳикояси
Жамият | 11:34 / 09.12.2024
Сўнгги янгиликлар
-
Хоразм вилояти шоли етиштирувчилари қўшимча субсидиялар олади
Иқтисодиёт | 14:21
-
Ўқувчиларни тартибга чақирган “зўравон раис” — Қозирободдаги мактабда ўзи нима бўлди?
Жамият | 14:10
-
Германияда деярли 300 минг украиналик ишга жойлаштирилди
Жаҳон | 14:05
-
Ғазо бўйича музоракаларга кўнган ва Зеленскийни «диктатор» деб атаган Трамп ҳамда у билан учрашувга тайёр Путин — кун дайжести
Жаҳон | 14:05
Мавзуга оид

18:33 / 03.12.2024
Тошкентда 4 декабр куни электр таъминотидан узиладиган ҳудудлар маълум қилинди

19:04 / 02.12.2024
Bloomberg: Британия шамол электр станциялари ишламаслиги учун миллиардлаб пул сарфламоқда

16:56 / 16.11.2024
«Ҳам масъулият, ҳам жавобгарлик белгиланди» — энергетика вазири

20:55 / 02.11.2024