Тошкентда «гармошка» автобус билан тўқнашган Lacetti ҳайдовчиси жароҳат олди

Тошкент шаҳар ИИББ Миробод туманида King Long русумли автобус билан содир бўлган йўл-транспорт ҳодисаси бўйича маълумот берди.

Қайд этилишича, 11 ноябр куни соат 19:50 ларда Миробод тумани Шаҳрисабз кўчаси «Санъат музейи» қаршисида 39 ёшли А.Х. бошқарувида бўлган King Long русумли автобус ва 32 ёшли Н.Х. (аёл) бошқарувида бўлган Lacetti русумли автомашина тўқнашиши оқибатида йўл-транспорт ҳодисаси содир бўлган.

ЙТҲ оқибатида Lacetti автомашина ҳайдовчиси тан жароҳат олган.

Ҳолат юзасидан Тошкент шаҳар ИИББ ЙҲХБ ходимлари томонидан суриштирув ҳаракатлари олиб борилмоқда.

Аввалроқ Янгиҳаёт туманида 117- ва 55-сонли йўналиш автобуслари иштирокида ЙТҲ содир бўлганди. Ҳодиса оқибатида тан жароҳати олганлар йўқ, автобуслар техник шикастланган.