Ford хавфсизлик камарларидаги муаммо сабаб 112 мингдан зиёд автомобилини чақириб олади

Чақириб олинадиган автомобиллар қаторидан 2019-2020 йилларда ишлаб чиқарилган Ford Expedition ва Lincoln Navigator моделлари ўрин олган.

Фото: Getty Images

Американинг Ford автомобилсозлик компанияси хавфсизлик камарлари билан боғлиқ муаммо туфайли 112,6 минг автомобили йўлтанламасини чақириб олади. Бу ҳақда АҚШ Йўл ҳаракати хавфсизлиги бошқармасига (NHTSA) таяниб, Reuters хабар берди.

Қайд этилишича, NHTSA’га хавфсизлик камарини маҳкамлаш мосламаси беихтиёр ишлаб кетгани бўйича шикоятлар келиб тушган. Баланд овоз чиқарганидан кейин камар тезда тортилиб қолаверган.

NHTSA’нинг маълум қилишича, шунингдек, тортувчи кучнинг йўқолиши ва электр тизимининг носозлиги сабаб Ford’нинг 456 мингдан зиёд транспорт воситасига нисбатан тергов бошлаган. Тергов давомида 2021-2024 йилларда ишлаб чиқарилган Ford Bronco Sport кроссоверлари ва Maverick пикаплари ўрганилади.

Ўтган ҳафта назорат органи Ford орқани кўришга мўлжалланган камералар носозлиги сабаб ўз автомобилларини вақтида чақириб олмагани учун 165 миллион долларлик жаримани тўлашга рози бўлганини маълум қилганди.

#Ford #хавфсизлик камари