Қўшимча функционаллар
-
Тунги кўриниш
Тошкентда ресторан дудбўронида ёнғин чиқди
Пойтахт ФВБга кўра, ҳодиса Мирзо Улуғбек туманида содир бўлган. Ҳозирда ёнғин сабаби ва зарар миқдори аниқланмоқда
Фото: Ижтимоий тармоқлар
Тошкент шаҳар Фавқулодда вазиятлар бошқармаси Мирзо Улуғбек туманида содир бўлган ёнғин тўғрисида маълумот берди.
Ижтимоий тармоқларда пойтахтдаги ресторанлардан бири жойлашган бинода ёнғин юз бераётгани тасвирланган видеолар тарқалди. ФВБнинг маълум қилишича, ҳолат Мирзо Улуғбек туманида содир бўлган.
Қайд этилишича, 20 ноябр куни соат 20:29 да Тошкент шаҳар Мирзо Улуғбек тумани «Лашкарбоши» МФЙ, Ниёзбек йўли кўчасида жойлашган умумий овқатланиш жойининг дудбўронида ёнғин содир бўлаётгани тўғрисида ФВБга хабар тушган.
Шунга кўра, ёнғин-қутқарув экипажлари соат 20:35 да воқеа жойига етиб бориб, ёнғин соат 20:42 да ўчирилган.
«Ёнғин сабаби ва зарар миқдори аниқланмоқда. Ҳодиса оқибатида тан жароҳати олган ва ҳалок бўлганлар йўқ», — дейилади хабарда.
Аввалроқ Тошкентдаги кўп қаватли уйда ёнғин чиқиши оқибатида бир киши ҳалок бўлгани тўғрисида хабар берилганди. Ўшанда марҳум ётоқ жойида тамаки маҳсулотини чекиши оқибатида ёнғин келиб чиққани тахмин қилинган эди.
Мавзуга оид
08:50
Тошкент, Самарқанд ва Гулистонда 3 нафар адвокатнинг ноқонуний ҳаракатларига чек қўйилди
22:32 / 17.12.2025
Юнусобод ва Сергели туманларига янги ҳоким тайинланди
18:07 / 17.12.2025
Тошкент вилоятида ўқувчиларни мажбурий меҳнатга жалб қилган мактаб раҳбарияти жазоланди
15:08 / 17.12.2025