Қайд этилишича, Жанубий Корея экспорт-импорти банки буюртмасига биноан ишлаб чиқилаётган лойиҳа 15 ой, яъни 2026 йил мартига қадар амалга оширилади.
Корея миллий темирйўл корпорацияси (KORAIL), Saman ва Dongmyeong Technology Corporation’дан иборат K-Railway гуруҳи илғор тезюрар темирйўл технологияларини Ўзбекистонга тақдим этишни режалаштирган.
Эслатиб ўтамиз, Шавкат Мирзиёев жорий йил сентябр ойида Тошкент—Самарқанд, Самарқанд—Навоий—Бухоро йўналишларида тезюрар поездлар учун янги темирйўл қуриш режаларини эълон қилган эди.
Ўзбекистон жорий йил июн ойида Hyundai Rotem компанияси билан тезюрар электр поездларини харид қилиш ва етказиб бериш тўғрисида битим имзоланди. Битимга кўра, 6 та тезюрар поезд харид қилиниб, Тошкент—Урганч—Хива йўналишига қўйилади. Жалолиддин Мангуберди деб номланадиган поезд масофани етти соатда босиб ўтади.
Ўзбекистон учун мўлжалланган тезюрар поезд KTX-Eum поездининг ўхшаши бўлиб, у ўз навбатида 430 км/соат тезликда ҳаракатланиш учун мўлжалланган HEMU-430X тезюрар поезди негизида яратилган. Ҳар бири етти вагонли поезд 389 ўринга эга бўлади ва VIP, бизнес ва эконом классларни, шунингдек, овқатланиш вагонини ўз ичига олади.
