Қўшимча функционаллар
-
Тунги кўриниш
Тошкентда йўлбўйи автотураргоҳларини ташкил этиш учун бошқа компания танланди
Биринчи аукционда 120 млрд сўм нарх таклифи билан ғолиб деб топилган Balcomuz билан шартнома тузилмади. Сўнг такрорий ўтказилган аукционни Street Systems икки баробар пастроқ нарх – 57 млрд сўмлик таклиф билан ютиб олди. Унинг таъсисчилари қаторида икки йил олдин ҳокимият томонидан шундай лойиҳа учун тендерсиз танланган Kasy Park ҳам бор.

Пулли автотураргоҳ ташкил этиладиган йўл бўйларидан бири / Фото: E-auksion
17 декабр куни E-auksion порталида Тошкент шаҳри кўчаларида пулли автотураргоҳлар ташкил этиш бўйича такрорий аукцион бўлиб ўтди. Маълум бўлишича, 25 ноябр куни бўлиб ўтган аукцион ғолиби билан шартнома тузилмаган.
Такрорий аукционда 62,94 млрд сўм нарх таклиф қилган Street Systems компанияси ғолиб деб топилган.
Аукцион 20 дақиқадан сал кўпроқ вақт давом этган ва иккита қадам билан якунланган. Street Systems таклиф қилган нарх – бошланғич нарх (57,2 млрд сўм)дан 10 фоизга юқори бўлган.
Уч ҳафта олдин ўтказилган аукцион 2 соат-у 10 дақиқа давом этиб, 22 та қадамдан иборат бўлган ва унда Balcomuz 120,15 млрд сўм таклиф билан ғолиб деб топилган эди. Аммо бу компания билан кейинги босқичда шартнома тузилмаган.
Биринчи аукционда ҳам, иккинчисида ҳам захира ғолиби эълон қилинмади.

Эндиликда Street Systems Тошкентнинг барча туманларида йўл бўйларида ажратилган жойларда жами майдони 262,8 минг квадрат метр бўлган пулли автотураргоҳлар тармоғини ташкил этиши керак.
Пойтахт ҳокимининг қарори билан, тўловлар миқдори тариф зоналарига қараб соатига 5 минг сўмдан 12 минг сўмгача деб белгиланган.
Янги ғолиб ҳақида
КТЯДРга кўра, Streetpark Systems жорий йил 13 ноябр куни рўйхатга олинган. МЧЖ таъсисчилари – Қудратбек Дилшодович Ёқубов (75 фоиз), iCell Mobilsoft Zrt. (Венгрия, 12,5 фоиз), “Kasy Park” МЧЖ (12,5 фоиз).
Асосий ҳиссадор Қудратбек Ёқубов сўнгги уч йилда таъсис этилган Leader Great Trade, Aziz Export 777 ва Prime Avto Consulting'да ҳам улушларга эга.
Streetpark Systems'нинг таъсисчиларидан бўлмиш Kasy Park 2023 йилда пойтахтнинг 10 та марказий кўчасида пулли паркоматлар ташкил этиш учун шаҳар ҳокимлиги томонидан тендерсиз танлаб олинган, лекин лойиҳа амалга ошмаган эди.
Kasy Park'нинг жорий таъсисчилари сифатида Миродил Ниғматжон ўғли Фозилов (55 фоиз; у шунингдек Oazis Lux Investments, Benchmark Distribution, ADM Invest'да ҳам улушларга эга), Гулнора Акромовна Ниғманова (5 фоиз) ва OldFolk (40 фоиз) кўрсатилган.
Тавсия этамиз
Германияга ишга юбориш билан боғлиқ фирибгарлик ҳолати аниқланди
Жамият | 15:33 / 23.07.2025
Ўзбекистонда iPhone нархлари қимматлашди. Нега?
Иқтисодиёт | 21:38 / 22.07.2025
Тошкентда беморга шилқимлик қилган шифокор 5 суткага қамалди
Жамият | 15:28 / 22.07.2025
Таркибида кучли таъсир қилувчи моддалар бўлган оздирувчи қаҳвалар савдосига чек қўйилди
Жамият | 09:27 / 22.07.2025
Сўнгги янгиликлар
-
Малдив – ҳалол дам олиш учун идеал танлов
Жамият | 19:00 / 25.07.2025
-
Битирувчиларни техникумга қабул қилиш муддати 10 августга қадар узайтирилди
Таълим | 14:55
-
Хонободдаги фестивалга сарфланаётган миллиардлар: Вилоят ҳокимлиги изоҳ берди, антикоррупция агентлиги ўрганиш ўтказади
Ўзбекистон | 14:48
-
ИШИД етакчиларидан бирини ўлдирган АҚШ, чўкиб кетишига сал қолган Рамзон Қодиров ва Ғазода давом этаётган фожиа – кун дайжести
Жаҳон | 14:36
Мавзуга оид

23:59 / 25.07.2025
Свет ўчмаган кун йўқ: Тошкент электрсиз қийналмоқда

18:40 / 25.07.2025
Вазир ўринбосари Тошкентнинг бош режаси ўзгаришини рад этди. Лекин акс баёнотлар ва лойиҳалар кўп

17:48 / 25.07.2025
Тошкентда 670 мингдан ортиқ хонадонга ақлли сув ҳисоблагичлар бепул ўрнатилади

22:49 / 24.07.2025