Франция Еврокомиссияни Илон Маскка қарши чора кўришга чақирди

Франция ташқи ишлар вазири Жан-Ноэл Барро Европа комиссиясини америкалик тадбиркор Илон Маскка нисбатан қаттиқроқ чора кўришга чақирди, деб хабар беради Reuters.

«Европа комиссияси ЕИнинг ўзига хос рақамли маконини ҳимоя қилишни таъминлаш йўлида мавжуд қонунларни нисбатан қатъият билан қўллайди ёки буни амалга оширмайди. Мазкур ҳолатда ушбу функцияни аъзо давлатларга, хусусан, Францияга ўтказиш масаласини кўриб чиқиш керак», — дейди Барро.

Франция ҳукумати учун рақамли бозорлар ўртасида мувозанатни сақлаш ва Европа рақамли сиёсатининг қатъий стандартларга мувофиқлигини таъминлаш муҳим аҳамиятга эга. Айни вақтда Маск каби кучли рақамли ўйинчиларга нисбатан DES стандартларини (айрим маълумотларни шифрлаш стандарти) аниқ ва қатъий жорий этиш долзарб масала ҳисобланади.

Аввалроқ Франция президенти Эммануэл Макрoн Илон Маскни Европа сиёсатига аралашишда айблаган эди. «10 йил олдин дунёдаги энг йирик ижтимоий тармоқлардан бирининг эгаси сайловларга, шу жумладан, Германиядаги сайловларга бевосита аралашишини ким ҳам тасаввур қилганди», — деган Франция президенти.

Норвегия бош вазири Йонас Гар Стёре ҳам Маскнинг сиёсатга аралашувидан хавотирда эканини билдирган.