Қўшимча функционаллар
-
Тунги кўриниш
Меҳнати самарали деб топилган тиббиёт ходимларига устама тўланади
Бундан ташқари, шифокор қабулига навбатни тўлиқ электрон шаклга ўтказиш, тиббий суғурта жорий этилаётган ҳудудларда электрон рецептларга ўтиш, бирламчи бўғиндаги стоматология хизматини аутсорсинг асосида хусусий секторга бериш кўзда тутилмоқда.
Очиқ манбалардан олинган сурат
Ўзбекистонда тиббиёт ходимлари меҳнат самарадорлигини баҳолаш кўрсаткичларини ишлаб чиқиб, самарадорликка эришган ходимларга устама тўлаш режалаштирилмоқда. Бу – 2025 йилги давлат дастури лойиҳасида белгиланган.
Бу ҳақда аввалроқ бош вазир ўринбосари Жамшид Қўчқоров маълум қилганди. У малакали ўқитувчиларга юқори маош тўлаш тизими яратилгани, шундай тизим тиббиётда ҳам жорий этилиши, лекин ҳукуматда ҳали аниқ ечимлар йўқлигини айтганди. “Асосий масала – кимга ва нима учун юқори ойлик тўлаш”, деганди Қўчқоров.
Декабр ойида давлат раҳбари ҳузуридаги йиғилишда 2025 йилда тиббиёт ходимларининг ойлик лавозим маоши оширилиши ҳам маълум қилинганди. Бу муҳокамага қўйилган давлат дастури лойиҳасида акс этмаган.
Лойиҳада тиббиёт соҳаси ҳақида яна нималар дейилган?
Тиббиёт ва фармацевтика ходимлари фаолиятини давлат рўйхатидан ўтказиш ҳам кўзда тутилмоқда. Буни босқичма-босқич жорий этиш бўйича ҳужжат лойиҳаси ишлаб чиқилади.
Жорий йилда шифокор қабулига навбатни тўлиқ электрон шаклга ўтказиш, бирламчи бўғиндаги стоматология хизматини аутсорсинг асосида хусусий секторга бериш режа қилинган.
2025 йил 1 ноябрга қадар тиббий суғурта механизмлари жорий қилинаётган ҳудудларда рецепт асосида бериладиган дори воситаларини электрон рецепт тизими асосида тайинлаш амалиёти йўлга қўйилиши мумкин.
Вилоят даражасидаги ихтисослаштирилган тиббиёт муассасалари бошқарув, молия ва ташкилий жиҳатдан замонавий кўп тармоқли клиникалар шаклида қайта ташкил этилади.
Тавсия этамиз
Апрелда қанақа об-ҳаво кутиляпти?
Ўзбекистон | 12:09 / 28.03.2025
АҚШда Исроилни танқид қилган турк талаба қўлга олинди
Жаҳон | 22:36 / 27.03.2025
Карманада мактаб ўқувчиси олийгоҳга кириш учун муддатидан аввал максимал баллни тўплади
Жамият | 20:18 / 27.03.2025
“Контрактга кирсанг ўқита олмаймиз дейишган” – oрзулар йўлида стереотипларни енгиб ўтган навоийлик қиз ҳикояси
Жамият | 20:50 / 25.03.2025
Сўнгги янгиликлар
-
Қозоғистондан ота-она қарамоғисиз қолган 10 нафар бола Ўзбекистонга қайтарилди
Ўзбекистон | 22:46
-
Зеленский сайловларга тайёргарликни бошлади — The Economist
Жаҳон | 22:38
-
Самарқанд шаҳрига кириш йўллари вақтинча ёпилади
Ўзбекистон | 21:35
-
Ғарбий Европа ҳудудидан учирилган илк космик ракета парвози муваффақиятсиз якунланди
Жаҳон | 21:18
Мавзуга оид
15:21 / 29.03.2025
Австралиянинг олис шаҳридаги ягона шифокор ишдан кетяпти. Янги номзодларга 400 минг доллар маош таклиф этилмоқда
16:11 / 27.03.2025
Ўзбекистон соғлиқни сақлаш тизими сифати бўйича дунёда 64-ўринни эгаллади
08:09 / 26.03.2025
Россия оммавий тарзда КХДРдан шифокорларни стажировкага қабул қилмоқда
10:21 / 01.03.2025
ДХХ соғлиқни сақлаш бошқармасининг масъул ходимини қўлга олди
