Қўшимча функционаллар
-
Тунги кўриниш
Microsoft россиялик ҳакерларни сиёсатчиларнинг WhatsApp аккаунтларига ҳужум уюштиришда айблади
Ғарб Россиянинг Федерал хавфсизлик хизмати билан боғлайдиган Star Blizzard гуруҳи ҳакерлари фишингнинг янги усулидан фойдаланмоқда. Улар юборган QR-кодни сканерлаган шахснинг WhatsApp аккаунти бузиб кирилади.
Фото: Getty Images
Россиялик ҳакерлар бутун дунё бўйлаб вазирлар ва амалдорлар, шунингдек, Украинага ёрдам кўрсатиш билан шуғулланувчи таҳлил марказлари ҳамда ташкилотлар ходимларининг WhatsAppʼдаги аккаунтларига киришга уринган, деб хабар бермоқда The Moscow Times.
Ғарб ФХХ билан боғлайдиган Star Blizzard гуруҳи ҳакерлари фишингнинг янги усулидан фойдаланган. 2024 йил ноябрда Microsoft компаниясининг киберхавфсизлик бўлинмаси WhatsApp аккаунтларини бузиб киришга қаратилган ҳужумларни пайқаган. Фойдаланувчилар АҚШ ҳукумати вакиллари номидан мессенжердаги гуруҳларга қўшилиш бўйича электрон мактублар олган. Мактубни олган ходим QR-кодни сканер қилиши керак бўлган, бу эса ҳакерларга уларнинг WhatsApp аккаунтларига кириш имкониятини тақдим этган.
Қатор давлатларнинг вазир ва амалдорларидан ташқари (Microsoft уларнинг исмини ошкор этмади), Star Blizzard дипломатия, мудофаа сиёсати ва Россияга алоқадор, шунингдек, Украинага ёрдам кўрсатиш билан шуғулланувчи халқаро муносабатлар тадқиқотига боғлиқ инсонларни алдашга уринган.
«Жиноятчилар WhatsApp аккаунтидаги хабарларни қўлга киритиши ва ушбу маълумотларни олиб чиқиб кетиши мумкин», — дея огоҳлантирган компания. Кибержиноятчилар асосан QR-кодлардан фойдаланмоқда, фишингнинг бундай амалиёти «квишинг» номини олган.
2023 йилда Буюк Британия Киберхавфсизлик миллий маркази Star Blizzard’ни парламент аъзолари, университет ходимлари ва журналистларга ҳужум қилишда айблаган эди. Ҳакерлик гуруҳи Россия ФХХ Ахборот хавфсизлиги марказига бўйсуниши айтилади.
Сўнгги янгиликлар
-
Байрам байрамдай бўлди. Ўзбекистоннинг тарихий ўйинидан Kun.uz фоторепортажи
Спорт | 00:13
-
Ислом Тўхтахўжаев ўзига берилган BYDʼни жамоадоши Бобур Абдухолиқовга совға қилди
Спорт | 23:49 / 10.06.2025
-
300 минг доллар васвасаси ёхуд қотиллик билан тугаган шериклик - суддан репортаж
Жамият | 23:40 / 10.06.2025
-
10 июн янгиликлари: Ўзбекистонда рўй берган муҳим воқеа ва ҳодисалар
Ўзбекистон | 23:33 / 10.06.2025
Мавзуга оид
23:19 / 10.06.2025
Ўзбекистон элчихонаси Москвадаги ҳолат юзасидан Россияга ТИВга нота юборди
22:32 / 10.06.2025
Россияда мактабга қабул қилинмаган 300 минг мигрант болалари борлиги маълум қилинди
21:30 / 10.06.2025
Германия фуқаролигини олган россияликлар сони рекорд даражага етди
12:55 / 10.06.2025
Addinol уруш бошланганидан бери Россияда ўз даромадларини оширди
