Жаҳон | 22:38 / 30.01.2025
4829
2 дақиқада ўқилади

Meta компанияси Трампга 25 млн доллар тўлашга рози бўлди

2021 йилда Капитолийда юз берган тартибсизликлардан кейин Доналд Трампнинг Instagram ва Facebook аккаунтлари блокланган эди. Шундан сўнг Трамп Meta устидан судга даъво аризасини киритган. Компания мазкур даъвони ҳал этиш учун 25 млн доллар тўлайдиган бўлди.

Фото: Alamy

Meta компанияси 2021 йилги даъвони ҳал этиш мақсадида АҚШ президенти Доналд Трампга 25 миллион доллар тўлашга рози бўлди. Трамп ушбу даъвони Facebook ва Instagram аккаунтлари блокланган вақтда берганди, деб ёзади The New York Times.

NYT маълумотларига кўра, тахминан 22 миллион доллар Трампнинг президент кутубхонасини молиялаштиришга сарфланади, қолган 3 миллион эса Трамп ва суд жараёнига қўшилган бошқа шахсларнинг юридик харажатларини қоплашга мўлжалланган. Шу билан бирга, Meta даъво доирасида ҳеч қандай қоидабузарликларни тан олмайди.

Қайд этилишича, Meta’нинг компенсация тўлашга рози бўлиши «йирик технологик компания томонидан сезиларли ёнбосиш ва Трамп учун ғалаба ҳисобланади, у авваллари ижтимоий тармоқ платформаларини цензура учун танқил қилган».

Трампнинг Facebook ва Instagramʼдаги аккаунтлари 2021 йил 7 январда — Капитолийдаги тартибсизликларнинг эртаси куни блокланган эди. Meta асосчиси Марк Цукерберг платформалардан «демократик йўл билан сайланган ҳукуматга қарши зўравонлик исёнини қўзғатишда» фойдаланилганини билдирган. Ўша йилнинг ёзида Трамп компанияни судга берган.

Трампнинг аккаунтлари 2023 йил февралдагина блокдан чиқарилди. Meta’нинг глобал масалалар бўйича президенти Ник Клегга кўра, аккаунтлар Доналд Трамп 2024 йилги президентлик сайловларида иштирок этишни режалаштираётгани сабаб блокдан чиқарилган.

Трампнинг сайловлардаги ғалабасидан кейин Цукерберг АҚШ президентининг Флоридадаги қароргоҳига бориб, у билан учрашди. Декабр ойида Meta Трампнинг инаугурация жамғармасига 1 миллион доллар хайрия қилди.

2024 йилнинг тўртинчи чорагида Meta’нинг даромади 21 фоизга ошди. Марк Цукерберг чораклик молиявий натижалар бўйича инвесторлар билан ўтказилган телефон орқали суҳбатда Трамп администрациясини Америка технологик компанияларини қўллаб-қувватлагани учун мақтаган.

Мавзуга оид

Эълонлар

Тошкент Кимё халқаро университети ва Pukyong миллий университети ўртасидаги илмий ва маданий ҳамкорлик ривожланмоқда

Golden House  бизнес-классдаги O‘z Makon II турар жой мажмуаси тақдимотига таклиф этади

Ўзбекистон Республикаси Ҳисоб палатаси ва Тошкентдаги Сингапур менежментни ривожлантириш институти ўртасида ҳамкорлик алоқалари йўлга қўйилди

Tenge Bank Visa билан ҳамкорликда бир қатор инновацион тўлов хизматларини ишга туширмоқда

FAW Trucks: Ўзбекистонда янги даврни бошлаган етакчи юк машиналари ишлаб чиқарувчиси

Фермерлар ва деҳқонлар учун қулай имконият – “Ўзкимёсаноат” АЖ минерал ўғитларга 10 фоизгача чегирма нархларини таклиф этмоқда 

Тошкент Кимё халқаро университети ва Pukyong миллий университети ўртасидаги илмий ва маданий ҳамкорлик ривожланмоқда

Golden House  бизнес-классдаги O‘z Makon II турар жой мажмуаси тақдимотига таклиф этади

Ўзбекистон Республикаси Ҳисоб палатаси ва Тошкентдаги Сингапур менежментни ривожлантириш институти ўртасида ҳамкорлик алоқалари йўлга қўйилди

Tenge Bank Visa билан ҳамкорликда бир қатор инновацион тўлов хизматларини ишга туширмоқда

FAW Trucks: Ўзбекистонда янги даврни бошлаган етакчи юк машиналари ишлаб чиқарувчиси

Фермерлар ва деҳқонлар учун қулай имконият – “Ўзкимёсаноат” АЖ минерал ўғитларга 10 фоизгача чегирма нархларини таклиф этмоқда 

Тошкент Кимё халқаро университети ва Pukyong миллий университети ўртасидаги илмий ва маданий ҳамкорлик ривожланмоқда

Golden House  бизнес-классдаги O‘z Makon II турар жой мажмуаси тақдимотига таклиф этади