Қўшимча функционаллар
-
Тунги кўриниш
Ўзбекистонда электромобиллар учун утилизация йиғими 78,5 млн сўмгача оширилди
Ҳукумат 2025 йил 1 майдан бошлаб импорт қилинадиган электромобиллар учун утилизация йиғимини оширишга оид қарорни имзолади. У транспорт воситаси ишлаб чиқарилган йилига қараб 45 млн сўмдан 78,5 млн сўмгача бўлади.
Фото: Энергетика вазирлиги
Ўзбекистон бош вазири Абдулла Арипов электромобилларга утилизация йиғими миқдорини ошириш тўғрисида қарор имзолади.
2025 йил 1 майдан эътиборан, ишлаб чиқарилганига 3 йилдан ошмаган электромобиллар учун БҲМнинг 120 баравари (45 млн сўм) миқдорида утилизация йиғими ундирилади. Бу – амалдаги йиғим миқдори (30 БҲМ, 11 млн 250 минг сўм)дан 4 баробарга кўп.
Ишлаб чиқарилганига 3 йилдан ошган электромобиллар учун эса утилизация йиғими миқдори БҲМнинг 210 баравари (78,75 млн сўм) деб белгиланади. Бу – амалдаги йиғим миқдори (90 БҲМ, 33 млн 750 минг сўм)дан 2,3 баробарга кўп.
Иқтисодиёт ва молия вазирлиги Инвестициялар, саноат ва савдо вазирлиги билан биргаликда икки ой муддатда ушбу қарорда белгиланган утилизация йиғимларини йиғиш ҳамда улардан самарали фойдаланиш тартибини ишлаб чиқади.
Қарорда ёзилишича, ҳужжат “мамлакатда яшил технологиялардан фойдаланишни кенгайтириш, электромобилларнинг яроқсиз ҳолга келиб қолган батареяларини атроф-муҳитга кескин зарар етказмаган ҳолда утилизация қилишни таъминлаш ҳамда соҳада маҳаллийлаштириш ишларини янада жадаллаштириш мақсадида” қабул қилинган.
Ўзбекистонда 2025 йилдан электромобил аккумуляторлари учун утилизация йиғими жорий этиш таклиф қилинаётгани ўтган йилнинг октябрида маълум бўлганди.
Мавзуга оид
00:22 / 09.02.2025
Қисилган электромобил бозори, ер ажратиш ва қурилишда янги тартиблар — ҳафта дайжести
13:29 / 08.02.2025
“Утилизация қарори ортидан Ўзбекистон ЖСТга аъзо бўлолмайди” – экспертлар билан суҳбат
09:10 / 07.02.2025
2024 йили қанча электромобил импорт қилингани айтилди
17:57 / 06.02.2025