Nvidia «Юлдузлар жанги» фильмидан илҳомланиб, янги роботни яратди

Blue робот очиқ кодли Newton физик двигатели ёрдамида яратилган.

Фото: Nvidia

Американинг Nvidia чип ишлаб чиқарувчи технология компанияси сунъий интеллектга эга Blue роботини тақдим этди. Компания асосчиси ва президенти Женсен Ҳуанг буни GTC 2025 конференциясида намойиш қилди.

Ҳуанг тақдимотда робототехникани моделлаштириш учун мўлжалланган, очиқ кодли Newton физик двигателини тақдим этди. У Google DeepMind сунъий интеллект компанияси ва Disney Research билан ҳамкорликда ишлаб чиқилган. Blue робот ушбу двигатель ёрдамида яратилган.

Робот саҳнага чиққанида, Ҳуанг унга мурожаат қилди: «Салом, Blue, яхшимисан? Сенга янги физик двигател ёқдими? Ёқди, а? Ҳа, мен аниқ биламан».

Конференция давомида Nvidia дунёдаги биринчи очиқ кодли Isaac GR00T N1 одамсифат роботини ҳам эълон қилди.