Қурбон ҳайити муносабати билан қўшимча поезд қатновлари йўлга қўйилади

5-8 июн кунлари Тошкент—Самарқанд йўналишида қўшимча «Афросиёб» қатновлари ҳаракатланади.

Фото: Транспорт вазирлиги

Қурбон ҳайити байрами муносабати билан Тошкент ва Самарқанд ўртасида қўшимча «Афросиёб» рейслари йўлга қўйилди. Бу ҳақда Транспорт вазирлиги хабар берди.

Қатновлар байрам кунлари — 5, 6, 7 ва 8 июнда амалга оширилади.

Ҳаракат жадвали қуйидагича:

Самарқанд—Тошкент — жўнаш 10:55 да, етиб келиш 13:15 да;
Тошкент—Самарқанд — жўнаш 13:56 да, етиб келиш 16:14 да.

Чипталарни eticket.railways.uz сайти, Uzrailways Ticket мобил иловаси ҳамда темирйўл кассаларидан харид қилиш мумкин.

Аввалроқ Тошкент шаҳар транспорт ва йўл-транспорт инфратузилмасини ривожлантириш бош бошқармаси Қурбон ҳайити куни пойтахтда жамоат транспорти соат 03:00 дан иш бошлашини маълум қилганди.

#Самарқанд #Афросиёб #поездлар #Қурбон ҳайити