Трамп Украина ва Россия ўртасидаги музокаралар бўйича янги баёнот берди

Оқ уй раҳбари урушни тўхтатишга қодир эканига ишонишини таъкидлади.

Фото: Getty Images / Anna Moneymaker

Америка Қўшма Штатлари президенти Доналд Трамп нафақат Россия, балки Украинанинг ҳам хатти-ҳаракатларидан «жуда ҳафсаласи пир бўлганини» айтди.

Журналистлар билан суҳбат чоғида Америка етакчиси яна урушдаги катта йўқотишлар ҳақида гапириб, томонлар аллақачон келишувга эришган бўлиши мумкинлигини таъкидлади. Шу билан бирга, у ўз жамоаси урушни тугатишга эриша олишига ишонади:

«Улар ҳафтасига беш-олти минг кишини йўқотмоқда - асосан аскарлар, балки тинч аҳоли ҳам, чунки шаҳарлар яна ракеталардан ўққа тутилмоқда. Уйда яшаш ва кечқурун унга ракета тегиши мумкин, деб ўйлаш қандай? Бу даҳшатли. Бундай шароитда яшаш даҳшатли бўлса керак. Лекин аминманки, бунга барҳам берамиз. Ҳалигача барҳам бермаганимиздан афсусдаман», деди Трамп.

Америка президенти Трамп Украина ва Россия ўртасида масъулиятни тақсимлаб, ҳар икки томонни бир неча бор танқид қилган.

Тинчликка эришиш ҳаракатларининг бошида у Москва урушни тугатишга мойиллик кўрсатмаса, санкциялар билан таҳдид қилган эди. Аммо ҳеч қандай санкцияни жорий қилмади.

Германия канцлери Фридрих Мерц билан учрашувда АҚШ президенти урушни болалар майдончасида курашаётган болаларга қиёслаб, бирор иш қилишдан олдин уларни «уришиб олишига қўйиб бериш»ни таклиф қилди.