Россия Украина шаҳарларини ўққа тутишни кучайтирди — фотолар

Бу Истанбулдаги музокаралар ва «Ўргимчак тўри» операцияси фонида бўлмоқда.

Украина махсус хизматлари 1 июн куни «Ўргимчак тўри» операциясини ўтказган – дронлар ёрдамида Россия Федерациясининг тўртта регионидаги аэродромларда турган бомбардимончи самолётларга зарба берилганди. Кейинги куни Истанбулда Россия-Украина музокараларининг иккинчи раунди бўлиб ўтди, унда томонлар асирлар ва қурбонларнинг жасадларини алмашишга келишиб олди. Москвада «Ўргимчак тўри»га қатъий жавоб ваъда қилинди ва Украина томонидан таклиф қилинган тинчлик шартлари, Россия Федерациясининг ўз позициясига кўра, қабул қилиб бўлмайдиган деб топилди. Кейинги икки ҳафта давомида Россия Украина шаҳарларини бир неча бор ёппасига ўққа тутди – бундай шиддатли ва тез-тез зарбалар бунгача кўп ойлар давомида кузатилмаганди.