Тошкент шаҳрининг айрим ҳудудларида электр таъминоти вақтинча тўхтатилади

Бектемир туманидаги «Устозлар» ҳамда «Забардаст» МФЙнинг айрим ҳудудларида соат 17:00 гача электр таъминоти бўлмайди.

Фото: Ҳудудий электртармоқлари

Истеъмолчиларга сифатли ва барқарор электр энергияси етказиб берилишини таъминлаш, электр тармоқларидаги авариявий ҳолатлар олдини олиш ҳамда мавжуд электр қурилмаларида таъмирлаш ишларини олиб бориш мақсадида бугун, 23 июн куни қатор манзилларда электр таъминоти вақтинча ўчирилади.

Улар:

Бектемир тумани: «Устозлар» ҳамда «Забардаст» МФЙнинг айрим ҳудудларида соат 09:00 дан 17:00 гача.

Ўз навбатида, юқоридаги ҳудудларда таъмирлаш ишлари белгиланган вақтдан аввалроқ якунланиши мумкинлиги билдириб ўтилган.

«Тошкент шаҳар электр тармоқлари» МЧЖ мазкур таъмирлаш ишлари туфайли электр таъминотидаги вақтинча узилишлар сабабли етказилаётган ноқулайликлар учун ушбу ҳудудларда яшовчи истеъмолчилардан узр сўраган.