Ўзбекистонда Starlink интернети 2026 йилда ишга тушиши кутилмоқда

Илон Маскка тегишли SpaceX компаниясининг Starlink сунъий йўлдош интернет хизмати Ўзбекистонда 2026 йилдан бошлаб ишга тушиши кутилмоқда. Бу ҳақдаги маълумот билан Starlink сайтида танишиш мумкин.

Унда хизматнинг ишга тушиш муддати 2026 йил деб кўрсатилган.

13 августдан бошлаб Қозоғистонда Starlink сунъий йўлдош интернети расман ишга тушди.

«2025 йил 13 августдан бошлаб Starlink компанияси Қозоғистон Республикаси ҳудудида сунъий йўлдош интернети хизматларини тақдим этишни расман бошлайди. Бунинг натижасида мамлакат аҳолиси SpaceX компаниясига тегишли Starlink паст орбитали сунъий йўлдошлари тармоғи орқали юқори тезликдаги ва ишончли интернетдан фойдаланиш имкониятига эга бўлади», деб хабар берди Қозоғистон Рақамли ривожланиш, инновациялар ва аэрокосмик саноат вазирлиги.

Илон Маск томонидан асос солинган SpaceX таркибига кирувчи Starlink компанияси технологияси ҳатто энг чекка ва бориш қийин бўлган ҳудудларда ҳам барқарор уланишни таъминлайди.