Европа элчилари Путин сабабли Хитойдаги парадда қатнашмасликлари мумкин – ОАВ

Айрим дипломатлар парадда қатнашмасликка қарор қилган, айримлари эса таътилга чиқишни режалаштирмоқда.

Фото: EPA

Европа мамлакатларининг Хитойдаги элчилари Россия президенти Владимир Путиннинг иштироки боис Пекинда бўлиб ўтадиган ҳарбий парадни бойкот қилишлари мумкин, деб ёзмоқда South China Morning Post.

Хабарга кўра, Европа элчилари парадда Путин ва Россия ҳарбийлари қатнашиши мумкинлигидан хавотирда.

Ҳозирча Россия ҳарбийларининг парадда иштирок этишлари расман тасдиқланмаган.

Хабарда айтилишича, айрим дипломатлар парадда қатнашмасликка қарор қилган, айримлари эса таътилга чиқишни режалаштирмоқда.

Пекинда 3 сентябр куни ҳарбий парад бўлиб ўтади. Тадбирда қатор мамлакатлар раҳбарлари, жумладан, Владимир Путин ҳам иштирок этади.

#Хитой #парад

Kun.uz янгиликларини Google News'да кузатинг

+ Обуна бўлиш