Навоийда қумга ботиб қолган ҳайдовчи қутқарилди

Ҳайдовчи манзилга вақтлироқ етиб бориш учун йўлни қисқартириш мақсадида йўналишни ўзгартирганлиги сабабли қумга ботиб қолган.

Фото: ФВБ

ФВВ қутқарувчилари «Навоий-Зарафшон» йўлида қумга ботиб қолган автомобил ҳайдовчисига ёрдам кўрсатишди.

Хабар қилинишича, «Навоий-Зарафшон» йўналишида ҳаракатланиб кетаётган «Жентра» русумли автомобил манзилга вақтлироқ етиб бориш учун йўлни қисқартириш мақсадида йўналишни ўзгартирганлиги сабабли қумга ботиб қолган.

Ушбу ҳодиса юзасидан Навоий вилояти ФВБга «112» тизими орқали хабар келиб тушган.

Хабарга асосан, ФВВ қутқарувчилари айтилган манзилга бориб, фуқарога амалий ёрдам беришган.

#Навоий #ФВВ #Зарафшон

Kun.uz янгиликларини Google News'да кузатинг

+ Обуна бўлиш