Тошкент шаҳридаги барча ўқувчилар ва талабалар ётоқхоналарида махсус-тактик ўқув машқлари ўтказилади

20-21 сентябрь кунлари Тошкент шаҳридаги барча ўқувчилар ва талабалар ётоқхоналарида кундузги ва тунги вақтларда махсус-тактик ўқув машқлари ўтказилиши режалаштирилган. Бу ҳақда Тошкент шаҳар ИИББ маълум қилди.

Хабарга кўра, машқлар “Ёнғиндан огоҳлик” умуммиллий кампанияси ойлиги доирасида Фавқулодда вазиятлар вазирлиги томонидан ўтказилади.

Бошқарманинг билдиришича, ФВВ фуқаролар, блогер ва ижтимоий тармоқ администраторларидан аҳоли орасида саросима кўтармаслик мақсадида, мазкур ўқув машқларини ўтказиш давридаги амалий жараёнларга оид материалларни нотўғри талқин қилмаслик, мавжуд маълумот ва ахборотлардан унумли ҳамда оқилона фойдаланишни сўраган.