Зойир Мирзаев аёлларнинг тандирда нон ёпмай қўйганини танқид қилди

Тошкент вилояти ҳокими Зойир Мирзаев аёллар орасида онкологик касалликлар кўплигининг сабабларидан бири сифатида улар тандирда нон ёпмай қўйганини кўрсатди.

«Маҳаллаларга борганда, маҳалла айланамиз. Тандир йўқ. Нон ёпмаймиз. Чиройли қилиб ҳалиги макка унидан қўшиб, қора буғдойни қўшиб, қора нон қилиб берарди, у бошқача эди. Чиройли қилиб хўжайинларни ҳам аччиқ булкага ўргатиб олдик. Мен Самарқандда ишлаганимда кореялик достор келдида, аёлларда саратоннинг кўпайиш сабабларини таҳлил қилди. Нимага кўпайяпти, бу саратон касаллиги? 7-8 та нарсани ёзган. Кам ҳаракатлилик биринчи ўринда турибди. Тўртинчи фактор — тандирда нон ёпмаслик деганди. Тандирда нон ёпган аёлда рак касали бўлмайди. Сабаби тандирнинг олдига борганда организм қизийди, кейин қон икки баробар тез айланаркан организмда. Шунинг тезлигида қон томирларни тозалаб ташларкан. Қон ифлос бўлса, қайсидир безга микроб қўшилиб, секин-секин безлар уйғонади-ку. Бу факторлардан биттасида. Шуни йўқотдик-да бизлар», — деди Мирзаев.