Ўзбекистоннинг 38та олий таълим муассасаси халқаро рейтингда ТОП-1000 таликка кирди

Ушбу рейтингда Ўзбекистоннинг 79 та олий таълим муассасаси иштирок этди.

Фото: yuz.uz

Тайванда 2025 йилги UI GreenMetric рейтингининг расмий натижалари эълон қилинди. Дунёнинг энг нуфузли “яшил" университетлар рейтингидан ўрин олган таълим масканлари орасида Ўзбекистон олийгоҳлари ҳам қайд этилди.

Жорий йилда 105 давлатдан 1 745 та университет баҳоланган ушбу рейтингда Ўзбекистоннинг 79 та олий таълим муассасаси иштирок этди.

Улардан 38 таси дунёнинг ТОП-1000 талигидан жой олди.

“2025 йилнинг мамлакатимизда “Атроф-муҳитни асраш ва ъяшилʼ иқтисодиёт йили” деб эълон қилингани билан уйғун ҳолда, университетларимизнинг халқаро экологик ташаббуслардаги иштироки тобора фаоллашмоқда”, дейилади Олий таълим, фан ва инновациялар вазирлиги хабарида.