Тошкентнинг Сергели ва Юнусобод туманларига янги ҳоким тайинланди

Исматов Даврон Раҳимжонович Тошкент шаҳри Сергели тумани ҳокими лавозимига тасдиқланди. У 1982 йилда Тошкент шаҳрида туғилган, Тошкент молия институти ҳамда Президент ҳузуридаги Давлат бошқарув академиясида таълим олган. 2024 йил феврал ойидан Марказий банк Тошкент шаҳар бош бошқармаси бошлиғи лавозимида ишлаб келган.

Саидалиев Аброрхўжа Рустамхўжа ўғли Тошкент шаҳри Юнусобод тумани ҳокими лавозимига тасдиқланди. У 1994 йилда Тошкент шаҳрида туғилган, 2017 йилда Ўзбекистон миллий университети, 2021 йилда Тошкент давлат иқтисодиёт университетини тамомлаган. 2018 йилдан Мирзо Улуғбек тумани ҳокимлигида ишлаган ва 2022 йил июн ойидан ушбу туман ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари – туман иқтисодиёт ва молия бўлими бошлиғи лавозимида ишлаб келган.