«Sea Breeze Uzbekistan» туристик мажмуаси бўйича жамоатчилик эшитуви бўлиб ўтади

23 январ куни Бўстонлиқ тумани ҳокимлигида «Sea Breeze Uzbekistan» туристик мажмуаси қурилиши лойиҳаси бўйича атроф-муҳитга таъсирни баҳолаш юзасидан жамоатчилик эшитуви бўлиб ўтади. Унда жамоатчилик вакиллари, мутахассислар ва барча манфаатдор томонлар иштирок этиши мумкин. Бу ҳақда Давлат экологик экспертизаси маркази хабар берди.

Жамоатчилик эшитуви лойиҳаси доирасида ҳудудни режалаштириш ва қурилиш ечимлари, атмосфера ҳавоси, сув ва тупроққа бўладиган таъсир, чиқиндиларни бошқариш, яшил ҳудудлар ва сув объектларини муҳофаза қилиш, экологик хавфсизлик чоралари ва мониторинг масалаларини муҳокама қилиш режалаштирилган.

Қайд қилинишича, лойиҳа ҳужжатлари амалдаги экологик қонунчилиги талабларига мувофиқ ишлаб чиқилган. Лойиҳа бўйича таклиф ва мулоҳазаларни жамоатчилик эшитуви давомида ёки ёзма шаклда тақдим этиш мумкин.

2025 йил август ойида Вазирлар Маҳкамасининг қарори билан Чорвоқ атрофидаги 577 гектар ер майдони озарбoйжонлик тадбиркор Эмин Агаларовнинг «Sea Breeze Uzbekistan» лойиҳаси учун ажратиб берилди. Лойиҳа Тошкент вилояти, Бўстонлиқ туманида, Чорвоқ сув омборининг шарқий қирғоғи ҳудудида жойлашган бўлиб, замонавий туристик инфратузилмани барпо этишни назарда тутади. Лойиҳанинг қиймати 5 млрд АҚШ доллари этиб белгиланган. Агаларов лойиҳани 2025-2035 йилларда амалга ошириши белгиланган.