Unitree G1 андроид роботи тўсиқдан сакраб ўтишни ўрганди

Хитойлик муҳандислар ўтказган синовларда Unitree G1 андроиди паст тўсиқдан ўмбалоқ ошиб, шунингдек, тиззасига таяниб ошиб ўтди.  

Бунинг учун Цинхуа университети муҳандислари роботларга бутун танасидан фойдаланган ҳолда акробатик ҳаракатларни бажариш имконини берувчи бошқарув тизимини ишлаб чиқдилар. Улар инсон ҳаракатларини ёзиб олиб, тўсиқлар геометриясини лидар орқали сканерлаб маълумотлар тўпламини яратдилар ҳамда Unitree G1 ҳаракатига мослаштирдилар. 

Бу визуал маълумотларга асосланиб реал вақт режимида ҳаракатни муҳитга мослаган ҳолда амалга оширадиган нейротармоқни яратишга асос бўлди.

Тизим Intel RealSense камераси билан жиҳозланган Unitree G1 андроидида синовдан ўтказилди. Робот нейротармоқ орқали ўрганган ҳаракатлари асосида тиззасига таяниб тўсиқдан ошиб ўтиш, тўсиқдан ўмбалоқ ошиб сакраб ўтиш, гавдасига таянган ҳолда тўсиқ устидан ўтиш каби амалларни муваффақиятли бажарди. Тўсиқ сифатида ўлчами 0,5 × 0,6 × 0,4 метр бўлган ёғоч қутидан фойдаланилди.

Синовлар робот муҳитга муваффақиятли мослаша олишини кўрсатди.