Қўшимча функционаллар
-
Тунги кўриниш
Афғон қозонлари ичига яширилган 190 килограммдан ортиқ наркотик модда тўхтатиб қолинди
Деновлик ҳайдовчи бошқарувидаги юк машина “Термиз автойўл” халқаро ўтказиш пунктида чуқурлаштирилган тартибда текширувдан ўтказилган. Юк машинада бўлган афғон қозонлари ичидан қарийб 200 кг гашиш топилган.
Фото: ДХХ
Сурхондарёда катта миқдордаги наркотик модда тўхтатиб қолинди. Бу ҳақда Давлат хавфсизлик хизмати хабар берди.
Маълум қилинишича, Афғонистондан “Термиз автойўл” халқаро ўтказиш пункти орқали кириб келган юк машинаси чуқурлаштирилган тартибда текширувдан ўтказилган. У олдиндан кузатувга олинган Денов шаҳрида яшовчи 35 ёшли ҳайдовчи бошқарувида бўлган.
Машина юкхонасида 750 дона афғон қозони бўлган. Текширувда уларнинг 210 донаси ичига хуфиёна тарзда 190 кг 800 грамм гашиш моддаси яширилгани аниқланган. Ушбу афғон қозонлари ишлаб чиқарувчи томонидан Марказий Осиё давлатларидан биридаги хўжалик юритувчи субъект номига юборилаётган бўлган.
Ҳозирда ҳолат юзасидан суриштирув ҳаракатлари олиб борилмоқда.
Аввалроқ Тошкент вилоятида қўшни давлатдан Ўзбекистонга 25 кг опий ва гашиш олиб киришга уринган икки шахс қўлга олинганди.
Мавзуга оид
23:21 / 08.04.2026
Дунёга машҳур брендлар Ўзбекистонда контрафакт маҳсулот бўйича суд ишида ютиб чиқди
08:34 / 07.04.2026
Кобулда Марказий Осиё ва Афғонистон илк мулоқоти ўтказилди
00:22 / 06.04.2026
Покистон қуролли кучлари чегара постини эгаллашга уринган афғон аскарларини йўқ қилди
21:22 / 03.04.2026