Амир Темур юбилейига бағишланган олтин ва кумуш тангалар чиқарилди

Марказий банк томонидан соҳибқирон Амир Темур таваллудининг 690 йиллиги муносабати билан эсдалик тангалари ва сувенир тўпламлари сотуви йўлга қўйилди.

Жумладан, Амир Темур сиймоси акс этган, 31,1 г оғирликдаги олтин ва кумуш тангалар, шунингдек, ҳар бири 31,1 г бўлган 3 талик сувенир тўпламлари чиқарилди.

Таъкидланишича, тангалар 999,9 асилликдаги олтин ва кумушдан тайёрланган бўлиб, юқори бадиий ва коллекцион қийматга эга.

Олтин танга 61,4 миллион сўм қийматда сотилмоқда, қайта сотиб олиш нархи – 57,3 млн сўм.

Кумуш танга 1,9 миллион сўм қийматда сотилмоқда, қайта сотиб олиш нархи – 0,9 млн сўм.