Қўшимча функционаллар
-
Тунги кўриниш
Трамп Исроил ва Ливан ўт очишни тўхтатишга келишиб олганини эълон қилди
10 кунлик ўт очишни тўхтатиш режими 17 апрелга ўтар кечаси кучга киради.
Фото: Angela Johnston/CBC News
АҚШ президенти Доналд Трамп Исроил ва Ливан ўт очишни тўхтатишга келишиб олганини эълон қилди.
Исроил ва Ливан ўртасидаги 10 кунлик ўт очишни тўхтатиш режими 17 апрелга ўтар кечаси кучга киради, деди АҚШ президенти.
«Мен ҳозиргина Ливан президенти ҳурматли Жозеф Аун ва Исроил бош вазири Биби Нетаняҳу билан самарали суҳбатлар ўтказдим. Икки етакчи ўз мамлакатлари ўртасида тинчликка эришиш учун расман 10 кунлик сулҳ эълон қилишга келишиб олдилар», деди Трамп.
Исроил ва Ливан 1948 йилда Исроил ташкил топганидан бери расман уруш ҳолатида қолмоқда.
8 апрелга ўтар кечаси АҚШ ва Эрон ўт очишни тўхтатиш бўйича келишувга эришганини эълон қилди. Шу билан бирга, Исроил Эрон тарафдори «Ҳизбуллоҳ» гуруҳи жойлашган Ливанга зарба беришда давом этди. АҚШ ҳукумати ўт очишни тўхтатиш Ливанга тааллуқли эмаслигини айтди.
Исроил Ливан билан эмас, балки Ливан ҳудудидаги «Ҳизбуллоҳ» гуруҳи билан жанг қилаётганини таъкидлади.
Ливан расман Исроил давлатини тан олмайди.
Мавзуга оид
21:10
АҚШ Эронга қарши яна бир «Иқтисодий қаҳр» операциясини бошлайди
20:59
Оқ уй «олимларнинг сирли ўлими ва ғойиб бўлиши» ҳақидаги маълумотларни текширади
18:29
Эрон АҚШ ва Исроилни мамлакат раҳбариятининг ўлдирилиши учун жавобгарликка тортмоқчи
11:44