Солиқ декларацияси тақдим этган 728 нафар хонанда жами 4,7 млрд сўм даромад топгани маълум бўлди

Солиқ қўмитаси хонандалар томонидан “Концерт-томоша фаолияти” хизмати бўйича солиқ декларациялари тақдим этилиши бўйича маълумот берди.

Унга кўра, 17 апрел ҳолатига концерт-томоша фаолияти лицензиясига эга бўлган ва 2025 йилда ушбу фаолиятдан олган даромадлари бўйича 728 нафар хонанда солиқ декларациясини тақдим этган.

Жами йиллик декларация асосида 4 млрд 694,9 млн. сўм даромад кўрсатилиб, шундан солиққа тортиладиган даромад 3 млрд 728,7 млн. сўмдан 437,1 млн. сўм даромад солиғи ҳисобланган.

Шундан:

1-рейтинг гуруҳида 28 нафари 1 млрд 091,7 млн. сўм даромад кўрсатиб, шундан солиққа тортиладиган 869,8 млн. сўмдан 104,4 млн. сўм даромад солиғи;

2-рейтинг гуруҳида 57 нафари 585,4 млн. сўм даромад кўрсатиб, шундан солиққа тортиладиган 464,3 млн. сўмдан 55,7 млн. сўм даромад солиғи;

3-рейтинг гуруҳида 643 нафари 3 017,8 млн. сўм даромад кўрсатиб, шундан солиққа тортиладиган 2 394,6 млн. сўмдан 277,0 млн. сўм даромад солиғи ҳисобланган.

Тақдим этилган 728 та жами йиллик декларациянинг:

228 тасида даромад 1 млн. сўмгача 117,9 млн. сўм (ўртача йиллик солиқ суммаси 48,5 минг сўм);

396 тасида 10 млн. сўмгача 1 783,3 млн. сўм (ўртача йиллик солиқ суммаси 429,5 минг сўм);

71 тасида 20 млн. сўмгача 972,1 млн. сўм (ўртача йиллик солиқ суммаси 1,2 млн. сўм);

16 тасида 40 млн. сўмгача 514,6 млн. сўм (ўртача йиллик солиқ суммаси 2,8 млн. сўм);

11 тасида 60 млн. сўмгача 605 млн. сўм (ўртача йиллик солиқ суммаси 5,1 млн. сўм);

6 тасида 152 млн. сўмгача 702 млн. сўм (ўртача йиллик солиқ 11,4 млн. сўм) кўрсатилган.

Аввалроқ хонандалар тўлаган солиқлар кескин камайгани маълум бўлганди.